കളി മണ്ണു വാരിത്തിന്നു വന്നാലും
വെണ്ണ മോഷ്ടിച്ചു നടന്നാലും
കണ്ണനെന്നല്ലോ വിളിപ്പു കഷ്ടം
കള്ളനും കഞ്ഞി വെക്കുന്നു ലോകം.
അഴക്
കാറൊളിയാണെങ്കിലെന്തു ചേതം
ഏഴഴകെന്നേ പറഞ്ഞിടേണ്ടൂ
ഏഴഴകയാല്‍ വിളിച്ചിടുമോ
കാറൊളിച്ചന്തമിതെന്തു ന്യായം?
തുറുങ്കില്‍ പിറക്കലും
തുണി മോഷ്ടിക്കലും
തേരു തെളിക്കലും
തൊരമെന്തു വേറെ നിനക്കീശ്വരാ!
ഭക്തി
വേലയ്കു പോയോരു
പിള്ളേരെയൊക്കെയും
വേണുവൂതിക്കൊണ്ടു
നീ മയക്കി
വേണ്ടാത്ത തോന്ന്യാസ-
മൊക്കെയും കാട്ടിയ
വേണുവിലോലനില്‍
ഞാന്‍ മയങ്ങി
കാലിക്കിടാവിനു നല്‍കാതെ മോഷ്ടിച്ചു
പൈമ്പാലു നീ കുടിക്കുന്ന ഞായം
ഞാനറിയും പണ്ടേ പോറ്റമ്മ തന്‍ മുല-
പ്പാലു കുടിച്ചു വളര്‍ന്ന കണ്ണാ
കംസന്റെ ചാരത്തു ചെല്ലുവാനീവിധം
കന്നത്തരം കാട്ടണമെന്നതുണ്ടോ?
ചൂരല്‍ക്കഷായം
പീലിയും കോലും ധരിച്ചാലും
പീതാംബരപ്പട്ടണിഞ്ഞാലും
മണ്ണൂ വാരിത്തിന്നു പോയീടിലെന്‍ കണ്ണാ
ചൂരല്‍ക്കഷായമെനിക്കു നൂനം!
* ജോലി
