തിരുവിതാംകൂര്‍ രാജവംശത്തിനെക്കുറിച്ച് അമൃതാ ടെലിവിഷന്‍ നിര്‍മാണവും സംപ്രേഷണവും നിര്‍വഹിക്കുന്ന 'പത്മനാഭദാസീയം ' എന്ന ഡോക്യുമെന്ററിയുടെ സ്വിച്ച് ഓണ്‍ കര്‍മം പ്രശസ്ത ഗായകന്‍ ജി.വേണുഗോപാല്‍ നിര്‍വഹിച്ചു. മനോജ് മനയില്‍ സംവിധാനം നിര്‍വഹിക്കുന്ന ഡോക്യുമെന്ററിയുടെ രചന പ്രൊഫ. എം.ജി.ശശിഭൂഷണ്‍ . ചരിത്രം സാക്ഷ്യം വഹിച്ച രാജവാഴ്ചയുടെ ഗതിവിഗതികളിലൂടെ ഒരു ദേശത്തിന്റെ കഥ പറയുകയാണ് പത്ത് എപ്പിസോഡുകളുള്ള ഈ ഡോക്യുമെന്ററി.
തിരുവിതാംകൂര്‍ മഹാരാജാവ് ശ്രീ ഉത്രാടം തിരുനാള്‍ മാര്‍ത്താണ്ഡവര്‍മയുടെ എണ്‍പെത്തെട്ടാം പിറന്നാളില്‍ മനോജ് മനയില്‍ ഉപഹാരം സമര്‍പ്പിക്കുന്നു.
പത്മനാഭദാസീയം ഡോക്യുമെന്ററിയുടെ സ്വിച്ച് ഓണ്‍ കര്‍മ വേള. മനോജ് മനയില്‍ , അമൃതാ ടി.വി. പ്രോഗ്രാം ജനറല്‍ മാനേജര്‍ ശ്രീ എസ്.അനില്‍കുമാര്‍ , ഗായകന്‍ ജി.വേണുഗോപാല്‍ , ക്യാമറാമാ ന്‍മാരായ ഉദയന്‍ അമ്പാടി, ചന്ദ്രബാബു തുടങ്ങിയവര്‍ സമീപം.
